Обзерач Природы #36 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 18. червця/юнія 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Ніч Купалы уж близко, а такій час добрі провести в лісі. А як уж бесіда о лісах, то найліпше побесідувати о тых на Сандеччыні. В найблизшым одтинку проґраму «Обзерач Природы» призриме ся сандецкым лісам. Дознаме ся, якого типу лісы роснут в тым реґіоні, якы сут гев плянтра рослинности і якій процентовый склад мают лісы на цілій обшыри Сандеччыны. Як все, бесіда буде перемішана з добром музиком, жебы Вам авдиция не обмерзла. Конечні будте з нами – тым барже же то буде передостатній одтинок проґраму перед вакациями!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.