Дня 24-го фебруара 2016-го року в засідалні Consilium maius в просторах ректорату Пряшівской універзіты в Пряшові одбуде ся од 9.30 год. членьска громада Сполку русиньскых писателів Словеньска, котра ся орґанізує шторік.
По засіданю Сполку русиньскых писателів Словеньска о 11.00 год. зачне ся в тых самых просторах вже 34-тый научный семінар карпаторусиністікы.
В рамках семінара будуть зо своїма лекціями выступати Мґр. Івана Сливкова, Пгд. (літератка із Інштітуту україністікы і середньоевропскых штудій Філозофічной факулты Пряшівской універзіты в Пряшові) і Мґр. Михал Павліч (літерат із Центра языків і култур народностных меншын – Інштітуту русиньского языка і културы Пряшівской універзіты в Пряшові). Сливкова выступить з темов Меланія Германова: Радость і поучіня – нелем про діти. Михал Павліч свою лекцію присвятив темі Петра Семанцьова: Росспаны рядкы.
В проґрамі семінара буде і презентація найновшых выдань із карпаторусиністікы.
ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА
Коментарі