Одкрытый камінь Русинам

В суботу 29-го авґуста 2015 на ославах 71-ой річніці Словацького народного повстаня в Баньскій Быстріці першый раз офіціално брали участь і представителі Русинів на Словакії. Вінець ку памятнику СНП положыли Мілан Мнягончак, председа Русиньской оброды на Словеньску, Мілан Піліп, секретарь Округлого стола Русинів Словеньска і Ян Крайковіч, русиньскый актівіста. По завершіню офіціалного проґраму быв в просторах музея СНП за участи представителів державных орґанів, директоркы СНМ – Музея русиньской културы Олґы Ґлосіковой і далшых прямых участників боїв і русиньскых діятелів, одкрытый камінь із назвов Русины, як єдному з народів, котрый брав актівну участь в Словацькім народнім повстаню.

Фотоґрафії: З архіву Словацького народного музею – Музею русинськой културы в Пряшові.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА