Одрехова в А Я[К]-у. Iщы раз?

Запрашам на вандрівку до Одреховы днес на 21.00 годину до радия ЛЕМ.фм. Але зараз, можете прецін повісти, же там уж сме были. Так, але тым разом буде інакше – про Одрехову, а докладнійше про книжку Одрехова. Зарис подій, оповіст сам автор – Даміaн Новак.

Буде бесіда м.ін. про ідею написаня той моноґрафіі, про джерела, якы остали выкористаны, а якы ні, буде тіж кус про еміґрацийны квестиі Одреховян, а і про тоты квестиі, якы выкликали найбільше емоций – справы достоменности Одрехівян. Ци Одрехова то іщы Лемковина, ци уж ні? 

Бесіду вюл Роберт Банькош – історик-реґіоналіста, автор вельох історичных і популярно-науковых книжок, м.ін. Церкви на пути ікон ци Церкви бєщадскых Бойків.

Даміан Новак – дошлідник і культурознавец, фотоґраф-любитель. Од більше як 25 років звязаний є зо Стоваришыньом Маґурич, якє актывні діє для захованя сакральной архітектуры і сепульклярной штукы на обшыриі Ґаліциі. Занимат ся історийом ґаліцийской архітектуры (світской і сакральной), ґенеалоґійом, історычном демоґрафійом і конфесийныма одношынями в Ґалiциі і на Подоли. Є автором парудесятьох дописів публикуваных м.ін. на соторнах “Річника Руской Бурсы”, часопису “Маґуры”, ци “Скарбы Подкарпацкє”.

A Я[К]…? – звиджаня і познаваня Лемковины од А до Я. Історычно-ґеоґрафічны прогулькы по селах і знаных, або меньше знаных, особливостях Лемковины. Што тыжден творена є нова позиция в радийовій енциклопедиі Лемковины. Радийо ЛЕМ.фм, середа година 21.00