Ориґінальний Гокус Покус (нажыво) – неділя, 20.00 год.

Пришол час, жебы і о Вашых суґестиях, підповідях і звіданях дашто речы. Днешній проґрам то Ориґінальний Гокус Покус, понеже застановиме ся, як записувати імена, назвиска, власны назвы – в ориґінальній формі, а може іх злемківщати? Тот проблем іщы не вырішений, але спрібуєме сой накрислити деякы приміры. Очывидно, на жывым языку. Вшытко тото в єдиным во світі ориґінальным Языковым Гокусі Покусі. Не даватйте ся просити!

Языковий Гокус Покус – радийовий проґрам про лемківскій язык во вшыткых його аспектах і просторах. Премєра в неділю 8. листопада/новембра 2015 р. о 20.00 год., повторіня о ден о 2.00, 8.00 і 14.00 год. за лемківскым часом. Лем в радию лем.фм!