Остатня пятниця в місяци в Боні над Саном то цикль стріч, якы однедвна одбывают ся в Саноку в готели Бона. Є то ініциятыва якой цілю є збогачыня культуральной оферты міста – то концерты, выставы, прелекциі, презентациі, поетыцкы вечеры і інчы. На першій стрічы запрезентувала ся добрі знана чытачам порталю і слухачам радия лем.фм Сусанна. Выступила з концертом В шестьох кольорах, на якым співала языками світа і грала на вельох інструментах.
Того місяця стріча проходила буде під знаком книжкы – Одрехова. Зарис подій авторства Даміана Новака, дошлідника і культурознавці, фотоґрафа-любителя. Д. Новак більше як 25 років звязаний є зо Стоваришыньом Маґурич, якє актывні діє для захованя сакральной архітектуры і сепульклярной штукы на обшыриі Ґаліциі. Занимат ся історийом ґаліцийской архітектуры (світской і сакральной), ґенеалоґійом, історычном демоґрафійом і конфесийныма одношынями в Ґалiциі і на Подоли. Є автором парудесятьох дописів публикуваных м.ін. на соторнах „Річника Руской Бурсы”, часопису „Маґуры”, ци „Скарбы Подкарпацкє”.
Презентациі книжкы товаришла буде выстава рукоділа з Одреховы під патронатом Ґміны Заршын і выступ народного ансамблю Лопєнка з Тисной.
Стріча одбуде ся 30. мая (пятниця) о 19. годині в готели Бона в Саноку при ул. Біaлоґурскій 47. Вступ 10 зл.
Коментарі