Паніка на Лемковині

Наша – ґазета для народа – вышпорала коротку кореспонденцию зо Санча, з дня 2 лютого 1919 рока. Кореспондент Ілюструваного Курєра Штоденного званого “ікацом” пише, што Чехы в русиньскым селі Орлів роблят провіркы і крадут. Про тото вшытко кореспондент дознал ся не на місци, але в Санчы.

Дале кореспондент ґазеты дає реляцию з польского віче, в котрым брали участ люде з міста і зо села, якы выдали резолюцию, в котрій утверджают непереконаных, што “без вантпливости” Лемковина є інтеґральном частю польскых земель, пише дале про деклярацю бороніня землі і жаданя мобілізациі.

Кореспондент “ікаца” дементує вісти о занятю Крениці і Мушыны ческыма війсками, але попри тым пише о інтенциях Чехів выкликати паніку. Лем наконец додає, же то вшытко о чым писал то байкы.

Зато наша ґазета не прилучат ся до санчівской панікы і потверджат, же доднес в польскых і украіньскых ґазетах публикуваны сут байкы про Лемковину. (На ранті “історичных” объявлінь єдного з украіньскых професроів).