Каждій рік в обшыри лемкознавства, лемківской-русиньской літературы, зъявляют ся тисячы друкуваных сторін.
Хтоси-колиси вшыткы тоты рядкы букв записал, принимаючы як основу два принципы:
– встановлений традицийом, столітями практыкуваний порядок запису букв, слів і речынь, жебы з того першого безпорядку выявила ся задумана ідея, сенс выповіди, зміст, доказ знаня, а – нерідко – емоциі і одчуваня самого автора,
– коли уж тоты рядкы сут записаны в такій подобі , жебы міг іх дахто зовнішній прочытати, авторы, переконаны о вартости свойой дітины, вказуют єй цілому світу.
Жебы тот записаний папір набрал новых значынь. Жебы поділити ся ефектом свойой роботы з другыма – з чытачами. З тыма, котры сут цікавы світа, голодны знаня, з тыма, котры знают доцінити тот труд.
Програм «Печатня» має приближыти лемківску-русиньску літературу – книгы, выдавництва і часописы. Проґрам «Печатня» – для «грамотных». Програм «Печатня» – чытальня радийя лем.фм.
Коментарі