Перед (по?) – щедрий «Говорить Пряшів» – середа, 20.00 год.

Христос Крещаєт ся – Во Йордані! Днес конче ся лем так привитати. Хоц голос з Пряшова міг бы быти інчым, бо гын част уж велию Господнього Крещыня обходила. На Лемковині друга велия – як звыкло ся бесідувати в нашых порогах – в днешній вечер зачне Щедрий Вечер!

Третій великій праздник того зимового часу то – по Рождестві, Новым Році – як раз Йордан. Заран вшыткы підут святити воду на тоты сельскы рікы, потічкы. Нич до того дійдеме – вера сядте до велийного стола. З родином, близкыма – тыма, котрых любите, котры Вас ненавидят. Мы днес маме для Вас думку, же кєд уж поісте пістной кєселиці, то о 20.00 год. за середньомаґурскым часом (міряме з полудньовогого вершка Маґуры) сядте си выгідні на лавці (хто модернійшій – в фотели) і тиснийте на www.lem.fm. В вашым єдиным радию, як што тыжден свіжа премєра, мудрого, поучытельного проґраму – «Говорить Пряшів».

Як нам донесли товаришы, што уж в Русин.фм чули премєру, днес буде напр. про академічного маляря – Андрия Ґая (1932-2016), народженого в Сукові на Пряшівскій Руси. Oкрем того – в Перличці рaдия Русин.фм – Маланчын вечер спортового клюбу Русь Ужгород!

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.