Писанковый конкурз

Великдень – то найвекше хрістіаньске свято. Ку Великодню належыть много звыків і традіцій. У Русинів може найвешкым народным сімболом того свята суть писанкы.

Піддукляньскый освітній центер у Свіднику в співпраці зо селом Нижня Ольшава орґанізують дня 22-го марца 2015 р. вже 18-тый річник реґіоналного конкурзу „Писаня великодных писанок традічнов і нетрадічнов техніков“.

Конкурз зачне ся о 14,30 год. в сполоченьскім салі Културного дому в селі Нижня Ольшава (окрес Свідник).

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА