Поляны в потребі!

Звертаме ся до вас о поміч, але не материяльну, фізычну, грошову – нич з тых річы – буде дуже леґше. 

Звертаме ся головні до селян і потомків села Поляны Суровичны, але тіж до вшыткых, котры іх знают або можут до них даяк дотерти.

Звертаме ся о поміч в одтворіню выгляду дзвінниці. Може дахто з Вас добрі памятат як выглядала? Найліпша была бы знимка…

Од двох років з інициятивы СКПБ Варшава, КТЕ Стыкі і Стоваришыня Маґурич проваджений є ремонт дзвінниці. Остало уж барз невельо, лем запроєктувати і положыти дах. Од нас реалізаторы того не очекуют – просят лем о поміч при його візуалізациі. 

На стороні polanysurowiczne.waw.pl найдете більше інформаций про проєкт ремонту дзвінниці і актуальний етап робіт.

Контактувати можете ся безпосередньо з реалізаторами проєкту: dzwonnica@polanysurowiczne.waw.pl або пишучы до нас: radio@lem.fm i natalia@lem.fm