Поучытельний «Говорить Пряшів» – пятниця, 20.00 год.

Ближыт ся григоряньскє Різдво. Знаме, што може не до кінця буде оно такє як давно тому, бо ани порядні не морозит, але може то з горы замірене. Потіха, лем така, же коли придете на Лемковину та на ній зима як ниґде інде. На середній єй части видно тото найліпше в прим. переходу через Маґуру. За ньом зима, пред ньом – бодай яр! 

Зато што і сес одтинок поучытельного проґраму «Говорить Пряшів» такой послідній перед тогорічным Рождеством подля нового стилю, наша підредакция хоче переслати вшыткым Русинам світа, якы тепер будут святкувати, щыре, добре, рідне слово. Доброго почутя і одслху нашого радия – тіж. 

Днес міц лемківского. В Книжници.фм оповіданя Будителя Лемковины – Владиміря Хыляка, «Мій блаженной памяти дяк». Надале здрадиме іщы лем тото, што в Нашых Целебритах Теодозия Латтова спомяне на маленького Ісуска. 

Будте здравы, уж ідеме, за выслуханя дякуєме!

Веселых Свят!