Повісти з Лачнова

В Пряшові вказала ся барз інтересуюча книжка, в котрій поміщены сут повісти і розправкы з Лачнова, маленького русиньского села положеного в Левочскых Верхах. Авторком книгы пн. “‘Гавранів поклад – повісті з Лачнова”‘ є Еріка Матонокова. Авторка є педаґоґом, была учытельком і директорком основных шкіл, пак робила в Окресній педаґогічно-псыхолоґічній порадни в Пряшові. Літературно зачала творити іщы в середній школі. Писала своі творы до словацкых медів. Для Словацкого Радия написала вельо драматызуваных приповідок для діти. Авторку інспірує жытя на селах, котре проходило в минулости, зберат оповіданя і на іх основі пише своі творы заєдно з описом східньословацкой природы, звыків і обрядів.

До тепер выдала 18 книжок. “Гавранів поклад – повісті з Лачнова” то єдна з них, а переклад до русиньского языка зробила пані Теодозия Латтова. Книгу выдал Сполок Русинів Спиша.