Пренос Божеской Літургіі з церкви св. Димитрия Солуньского в Бучыні – неділя, 15.00 год.

16. серпня/авґуста 2020 р. просиме слухати пренос Божеской Літургіі з православной церкви св. Димитрия Солуньского в Бучыні на Нижнім Шлеску. Проповід выголосит о. Юрий Омелянюк.

Парафія св. Димитрия Солуньского в Бучыні была основана в 1947 році, а од 1948 р. занимат поевангелицку святыню, котру вірны достосували до служыня за канонами православной церкви.

Творят єй выгнаны з Лемковины в 1947 році Русины, головні з такых сел як Білична, Ізбы, Чарна, Брунары, Климківка, Білцарева ци Фльоринка. Днешня парафія чыслит близко 50 родин,  котры жыют в сусідніх селах попри Бучыні. До парафіі причыслены сут тіж два православны цмонтері, єден в спомянутій Бучыні, а другій – в сусіднім Лаґошові Великым, на котрых спочывают Лемкы.

При нагоді, не мож забыти про першого пароха бучыняньской парафіі о. Димитрия Хыляка (1865-1955) – твердого Русина, Міністра Внутрішніх Справ в уряді Руской Народной Республикы Лемків.