Голосник

Пренос Божеской Літургіі з церкви св. Михала Архангела в Тожымі – неділя, 15.00 год.

Просиме слухати пренос Божеской Літургіі з церкви св. Михала Архангела в Тожымі в любушскым воєвідстві. Парохом церкви є о. Михал Коваль.

Перше православне богослужыня одбыло ся в Тожымі в 1948 році. Выселены гын Лемкы, головні з Фльоринкы, зорґанізували каплицю в малій цмонтірній понімецкій каплици. Выремонтували єй і принесли іконы, котры привезли зо собом з Гір.

По зрыхтуваню святыні до потреб православных богослужынь, початком 1951 рока ХІХ-вічна євангелицка капличка стала ся церквом, котра была дана під покров св. Михала Архангела. Першый поміщеный гын іконостас парохіяне зробили самы. Коли в Ґожові вознесли нову церков з новым іконостасом, старый перенесли до Тожымя.

В 1982 р. каплицю побільшыли о притвор, а в 1994 р. ґрунтовні одремонтували. Находит ся в сусідстві цмонтеря. При вході до храму находит ся пропамятна таблиця посвячена вмерлому в 2005 році о. прот. Антонийови Габурі.

Шеруй.

О авторі

Мирко Воргач

Хоц то моі реляциі нагрываны сут на Заході, то слуxай мя в радию Руской Бурсы на частотах: 106.6 МГз в Ґорлицяx, 103.8 МГз в Польковицяx i в цілым світі онляйн на www.lem.fm   ;    Контакт: mirek@lem.fm

Коментарі