В праздничний ден Вознесенія Господнього – 29. мая 2014 р. – в рамках стрічы з лемківском культуром пн. Привитаня Лемківского Літа, Православна Парафія і Православне Стоваришыня в Любіні запрашают на концерт Хору Духовенства Православной Вроцлавско-Щеціньской Єпархіі, якій одбуде ся о 18.00 год. в місцевій православній церкви Святой Тройці при ул. 1. Мая 13А.
Хір істнує понад пілтора рока, а творят го духовенство і дякы зеленогірского і любіньского деканатів. Хоц штоденны обовязкы не дозволяют членам на часты стрічы, хір з успіхом высуплювал не лем на парафіяльных, але і концертовых сценах західньой Польщы.
Концерт Хору Духовенства Православной Вроцлавско-Щеціньской Єпархіі є вступом до наступной імпрезы пн. Лемківскє Літо в Европі, котра одбуде ся 31. мая того рока на зеленій обшыри при любіньскым готели Европа. Початок о 16.00 год., а орґанізаторы пропонуют такій проґрам:
– выступы артистычных ансамблів,
– спортовы гры і забавы,
– спільна гостина.
Більше на сайтах: lubin.cerkiew.pl
Коментарі