Проґрам Театру Александра Духновіча в Пряшові на місяць фебруар 2022

4-го фебруара 2022

„Шість персонажів шукають автора“  (Велика сцена, 19.00 год., 1-ша премєра)

На фоні театралной пробы і нервозного режісера одогравать ся траґічна історія персон розпаднутой родины, котры жыють драмов і глядають смысел правды і ілузії на сцені. Пєса є в україньскім языку.

9-го фебруара 2022

„Шість персонажів шукають автора“  (Велика сцена, 19.00 год., 2-га премєра) 

11-го фебруара 2022

Пісковиско  (Мала сцена, 19.00 год.)

Коли доростаме? І што то властно дорослость є? І є властно жадана в добі гіперреаліты, коли уж не мож точно повісти, што є досправдове і што фіктівне? Коли перебераме одповідность за властны чіны? Докажеме дати явно знати свої чувства? Тужыме іщі по тырвалых односинах? Не сьме і в дорослости все дітми і в дітинстві дорослыма? Суть ВІН і ОНА іщі досправдовы, або то вже лем знакы у віртуалнім світі? Найліпша пєса (гра) 21-го столітя про двох акторів (грачів).

16-го фебруара 2022

Тяпаковці  (Велика сцена, 19.00 год.)

Дія славной драматізації прозаічной предлогы вызначной словацькой писателькы з епохы крітічного реалізму Божены Сланчіковой – Тімравы вас перенесе до минулости, на село, до дому великой родины Тяпаковців, котра є прославлена тым, же є лінива і не має дяку будьшто робити. Інсценація жыво, з легкостьов, забавно але з ідейнов глубков підкреслює потребу ослободити ся од наносів минулости на благо будучности, котра ся основать на старых пілірах, но не сміє їх зохабити цалком спустнути. Жывот ся мусить жыти!

18-го фебруара 2022

12 стілців (Велика сцена, 19.00 год.)

Рафінована карікатура совітьской сістемы і людьского ненажерства ся злучує в історії Іпполіта Воройбанинова і великого комбінатора Остапа Бендера, котрых наганяня ся за скарбом приведе до різных небезпечных і комічных сітуацій.

25-го фебруара 2022

Любов до ближнього (Велика сцена, 19.00 год., 1-ша премєра)

Театер Александра Духновіча представлює інсценацію од єдного із найзнамішых російскых драматіків 20-го столітя Леоніда Николаєвіча Андреєва. Тота комедія вказує на абсурдность нашого світа і нонсенс жывота, де трафунковы поставы чекають на смерть нещастливця коло вычапу і страчають чутя і любов до ближнього.

Звертаме вашу увагу, же проґрам може быти зміненый на основі епідемічных обставин і наряджінь.