«Прогулька отворена гев і тепер» – пропозиция Маґурского Нацийонального Парку

Маґурскій Нацийональний Парк, котрий своім засягом діяня обнимат част териториі Лемковины, на своім офіцияльным сайті заявлят про цикль орґанізуваных прогульок пн. “Wycieczka otwarta Tu i Teraz”. Є то плян прогульок, котры будут вести м.ін. через деякы русиньскы села.

Перша така прогулька, котра одбуде ся в суботу 23. квітня/апріля т.р., буде ішла долином Вислокы, через гардий пут з Розстайного до Незнайовой. Сут то неістнуючы днес русиньскы села, котры находят ся на середній Лемковині.

Початок прогулькы од 9.30 год. з Розстайного (стріча при інформацийній таблици перед мостом на Вислоці, од стороны Крампной), де участникы назад вернут по переході цілой трасы, што може заняти близко штырі годины.

На сайті Маґурского Нацийонального Парку неодолга найдете плян дальшых прогульок, котры шырше будут тыкати і лемківскых сел.

фот. неістнуюча церков в Незнайовій