«Радийочытальня»: Лемковина – субота, 18.00 год.

Щыросердечні запрашаме на 60. одтинок «Радийочытальні». Темом текстів, якы днес будеме чытати, єст Лемковина.

Як вшыткы знаме, Лемковина то місце, котре віками до ІІ світовой войны замешкували головні Лемкы. Офіцийні за Лемковину принимат ся територию по пілнічній стороні Карпат од Высокого Ділу в Бєщадах по долину Попраду в Сандецкым Бескіді. Окрем тых земель до єй границ зачысляны сут териториі сел з околиц Коросна і Шляхтовы, в якых до выселіня тіж жыли в більшости Лемкы. Зо взгляду на выселіня неє можливости провести докладнійшых досліджынь, більшіст джерел подає інформациі, основом котрых сут досліджынях Романа Райнфуса. Але денекотры пошыряют тоты границі, покликуючы ся на спомины і почутя приналежности до Лемковины жытелів сел, якы подля Райнфуса не приналежали уж до єй границ.

Запрашаме на авдицию в суботу, 3. квітня/апріля 2021 рока, о 18.00 год., повторіня в неділю, 4. квітня/апріля, о 17.00 год.

Фото. Я. Мазур