Радийова трансмісия НАЖЫВО з креницкого бієнале – пятниця, 15.00 год.

Запрашаме на трансмісию НАЖЫВО з Крениці, де од 15.00 год. в головній пияльни зачне ся І Концерт з участю анамблів з Польщы, Словациі, Мадяр, Украіны. Вчас його тырваня буде вручана Премія ім. Василя Турока-Гетеша.

Од 19.00 год. в ефірі радия лем.фм будете мати змогу почути театральну пєсу в выконаню професийонального русиньского Театру Александра Духновича з Пряшова, пн. О двох ґенералах.

ІХ Медженародне Бієнале Лемківской/Русиньской Культуры офіцияльно зачне ся од 13.30 год. панихідом над гробом Епифана Дровняка – Никыфора Креницкого. Одтамале участникы перейдут під памятник посвячений артисті, а пак хороводом з ансамблями уж просто до головной пияльні.

Про дальший проґрам креницкого бієнале чытайте за приведеным горі мотузком, або позерайте долов на залучений афіш.