Ральф Воан-Вілиямс, «З повагом», просит Павел Малецкій – неділя, 20.00 год.

Ральф Воан-Вілиямс был анґлицкым композитором і дослідником народной музикы, творцьом девятьох симфоній та оркєстровых, хоральных творів і фільмовой музикы.

Походил з богатой родины высшой середньой клясы, породиненый был з Дарвинами. Вчыл ся грати на фортепіано, котрого не терпіл, і на гушлях, музичным выбавліню, як писал про тот інструмент.

Студиювал композицию в Макса Бруха (німецкого композитора і дириґента) та в Моріса Равеля (французского композитора і піаністы). Был спілосновательом в 1904 р. Товариства Народной Пісні. Од 1916 рока был выкладовцьом в Королівскій Музичній Школі в Лондоні. В роках 1920-28 вюл Хор Баха.

Захопліня колекцийонуваньом народной музикы та жыве заінтересуваня староанґлицком музиком мали сильне влияня на творчіст Воана-Вілиямса, надали єй індивідуальный стиль, хоц стилистичні утримана была в неоромантичній конвенциі.

Воан-Вілиямс компонувал симфоніі, суіты, концерты, камеральны, хоральны творы, пісні, оперы і балеты.