Реляция з лемківского дня на «Пардес Фестіваль в Казімєжу» / доповід проф. А. Зємбы – середа 21.00 год.

Вандрівка слідами Лемків – так называл ся єден з фестівальовых днів на жыдівскым фестівали в Казімєжу Пардес Фестіваль – Стрічы з жыдівском культуром. Подія тота проходила в днях 16.-21. серпня/авґуста т.р.

І хоц проґрам фестівалю зосереджат ся на жыдівскій традициі і культурі, то все орґанізаторы пропонуют участникам фестівальовых стріч цикль подій посвяченых выбраній етнічній або нацийональній меншыні, яка жыє в сучасній Польщы. Того рока цілий ден посвячений был лемківскій меншыні. Запрашаме до выслуханя першой з пятьох части реляциі з лемківского дня в Казімєжу. Фестівальову публику в імени Руской Бурсы привитал редактор нашого радия і вельолітній ведучий Стоваришыня Руска Бурса – Богдан Ґамбаль. Пак доповід про Лемків мал проф. Анджей Зємба з Ягайлоньского Університету. Днес почуєте першу част прелекциі, а о тыжден – другу. Професор переслідил цілу історию Лемків. Бесідувал м.ін. про мапу Лемків, а властиві про ріжны версиі мап, вказуючых розміщыня Лемків, про волошскє осадництво, етноґенезу карпатскых Русинів, про будуваня лемківской достоменности і вельо інчых.

Реляция з лемківского дня на «Пардес Фестіваль в Казімєжу» / доповід проф. А. Зємбы – середа, 14. вересня/септембра о 21.00 год., повторіня наступного дня о 3.00, 9.00 і 15.00 та в суботу (17.09.2016 р.) о 14.30 год.

Фот. архів ЛЕМ.фм