«Retour» фонетыком з пелеринком і червеным ґузиком

ЛЕМКО – ґазета для народа, 1912 рік.

Въ еденъ денъ мы достали 24 числа нашой газеты »Лемко« назадъ, на котрыхъ была печатка ждынской почты и написане на шыткыхъ едномъ рукомъ: »Retour«, »нѳприймаю« фонетыкомъ. Тото намъ ся штоси пôдозрѣле выдало, бо дежъ бы шыткы хлопи еднако писали и фонетыкомъ? Прецѣ хоцъ бы и самъ цисаръ нѣмецкій пріѣхалъ до Ждынѣ, та бы тôльо »украинців« не наробилъ!

Взявся нашъ редакторъ, тай гайда до Ждынѣ! Пытатся едного, другого хлопа, ци ôнъ газету отсылалъ назадъ: »Та де, гварить, анимъ ей не видѣвъ«! А писмо чіе? »А пана учытеля »Борташа«! Мы на почту, а панѣ почтярка бесѣдуе, же то листоношъ виненъ. Менша съ тымъ хто виненъ, о тымъ повѣстъ »Дирекція Почтъ« и ц. к. Судъ! Мы лемъ тыхъ ждынянôвъ, газдôвъ зъ Луги и зъ Конечной просиме, жебы заразъ і реклямували газету, если не достануть. Тымъ што имъ »панъ Борташъ« вернулъ газету назадъ, вышлеме газету и календарь ажъ втоды, коли пôдпишутъ ся на тымъ иаперѣ, што мы тамъ въ Ждыни оставили и одошлютъ до Горлицъ, до Лемков. Кассы«.

Але то не лемъ въ Ждыни: Пише до насъ хлопъ отъ Змигорода, зъ Перегримкы, што »егомостъ выступуютъ противъ »Лемка« и конфискуютъ го а йому наша газета ся подобатъ, присылатъ пренумерату и проситъ, жебы му такъ даякъ посылати газету, жебы мôгъ достати…

Наразѣ мы о тымъ дуже бесѣдувати не будеме, лемъ повѣме только же мы мали въ своей программѣ не высгупувати противъ поодинокыхъ люди, якъ але, насъ до того змусятъ, то выступиме!

Мы не потрѣбуеме агитаціи за нашомъ газетомъ, але и противъ стерпѣти не можеме и не стерпиме!

Мы отдали газету въ рукы хлопу и маме надѣю, же Ôнъ самъ позналъ, котра газета для него добра, Ôнъ самъ поставить тоту газету на ногы!« Панове забываютъ, же хлопъ естъ такымъ гражданиномъ Австріи, якъ и они, же йому вольно тото чытати, што каждому минѣстрови… Минули часы, коли хлопъ былъ быдляткомъ! Хыбаль, же хто хце агитаціомъ противъ »Лемка« заслужити »пельеринку«, »червеный гузѣкъ«, або сьлѣдомъ епископа »австрійске, шляхецтво«, то трудно! До »гоноровъ« дорогу замкнути не годенъ !

Мы лемъ наразѣ звертаме увагу, же на газету лѣпиме »марку« и адресъ ей властителя и лемъ тому до кого заадресувана вольно ся ньомъ розпоряджати!

Редакція.