Голосник

Різдвяный «Говорить Пряшів» – пятниця, 18.20 год.

Поіли, погостили ся. Значыт – одсвяткували. Гідно і весело, так як давно, колиси. Хоц то не конец святкуваня, то заєдно Різдно помаленькы ся нам минят. Дякуйме, же было родинне і майме надію – здорове.

Якоси так гордо ся нам робит, кєд на тоты «рускы» свята хоц кус снігу ся нам явило з небес. Аж і на далекій чужыні было біло, а може місцями было того снігу більше як в нашых Горах. Но, в каждым разі зробило ся нам весело.

Перед нами іщы третій ден свят. А пак уж лем Маланка і Йордан. Будеме терпеливо ждати, жебы і тоты два праздникы радо і фай одсвяткувати. А при кінци другого різдвяного двя красні прошу на премєровый «Говорить Пряшів». Нашы братя-камаратя зрыхтували нам дашто цікаве.

Шеруй.

О авторі

Севериян Косовскiй

Народженый на чужыні. Матуриста з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Головный редактор Лемківского Річника. Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментарі