«Русинія» в Гуменным

В неділю, 27. грудня т.р., в русиньскым місті Гуменне пройде концерт мужского ансамблю «Русинія» пн. Подьме собі добры люде, подьме заспівати… Початок од 17.00 год. в театральній сали Містецкого Культурного Центру Гуменне.

Попри «Русиніі» гостинні выступлят сопранистка Мария Гаврилякова, Даниіл Кугля та Марко Кіма. Подія дає тіж змогу обізріня і закупліня річы, вытвореных вчас ерґотерапевтычных вартшатів та одбуде ся продаж творів з ґалериі Анрия Смоляка – маляря і ґалеристы.

Більше інформаций долов на залученым афішы.

Ансамбль «Русинія» возникнул в 2010 р. То мужскій співочий ансамбль, котрий выконує русиньскы і украіньскы пісні, зберігаючы при тым незмінены тексты. Ґрупа початково заістнувала медже самыма Русинами, але уж тепер є знана по цілій Словациі, а може і заграницьом. Склад «Русиніі» чыслит 35 осіб, з чого 30 мущын то співакы, а решта творит музычну капелю. Більше про «Русинію» – за тым мотузком.

Долов концерт ансамблю в 2012 р. в Гуменным.