Рыманів на старій почтівці

Ґалерия Штукы в Рыманові Здрою просит на вернісаж выставы пн. Рыманів Здрій на старій почтівці, якій буде проходил заран, 3. серпня/авґуста о 19.00 год. в сідибі ґалериі.

Рыманів, хоц находил ся уж поза обшырю Лемковины, все был важным осередком для жытелів сусідніх лемківскых сел. Был найбільшым курортом в тій части Лемковины, зато роботу гын находило вельо Русинів. Купелі были по части основаны на обшыри села Дошно, якє тепер находит ся в просторі міста. В Рыманові містила ся різбярска школа для лемківскых діти, ходили до ней діти з Балутянкы ци Вількы. Рыманів был тіж сідибом Апостольской Адміністрациі Лемковины – окремой од перемышльской єпархіі єдиниці Грекокатолицкой Церкви в Польщы, ААЛ діяла в роках 1934-47. Єй першым адміністратором был о. др Василь Масцюх.

Выставу почтівок, якы походят з приватной колекциі Збіґнєва Вєнцка, буде мож обзерати до кінця серпня/авґуста.