Голосник

«Самоуряд для Спадковины»

До кінця червця/юнія тырват набір зголошынь до загальнопольского конкурсу, котрый напрявленый єст на вшыткы ґмінны самоуряды, якы взріцьово опікуют ся памятниками. Конкурс «Самоуряд для Спадковины» орґанізуют Міністер Культуры і Нацийональной Спадковины і Ґенеральный Консерватор Памятників.

Kоординатор конкурсу – Нацийональный Інститут Спадковины, выпродукує фільм промуючый культурову спадковину ґміны, котра достане званя лавреата. Конкурс адресуваный є до містецкых, сельско-містецкых або сельскых самоурядів. Жебы взяти участ в конкурсі, ґміны мусят переслати правильні опрацуваный ґмінный проґрам і выказати, што зреалізували діяня цілю охороны і захованя вартости культуровой спадковины.

Конкурс подуманый єст, жебы промувати і популяризувати найліпшы приміры опрацовуваня і вводжыня ґмінных проґрамів опікы над памятниками. Окрем фільму про ґміну зо званьом лавреата, НІС додатково зреалізує інформацийну кампанію про выграный самоуряд. Вшыткы лавреаты і выріжнены отримают памятковы таблиці. Зголошыня мож присылати до 30. червця/юнія.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі