Семінар карпаторусиністікы о освітi

Інштітут русиньского языка і културы Пряшівской універзіты в Пряшові Вас позывать на вже 41-ый научный семінар карпаторусиністікы.  Тот одбуде ся 5-го апріля 2017-го року і темов буде освіта.

На найближшім семінарі выступлять з лекціов аж двоми выступаючі. Мґр. Марек Ґай, котрый є учітельом контінуалной освіты про русиньскый язык і літературу при Методічно-педаґоґічнім центрі у Пряшові выступить з лекціов Сучасный став едукації Русинів на Словакії (В контексті імплементації іновованой концепції навчаня русиньского языка і літературы). Другов выступаючов буде ПгДр. Люба Кральова, ПгД., авторка проєкту і коордінаторка вечерніх школ русиньского языка, котра буде говорити на тему Вечерні школы русиньского языка – рішіня абсенції школьской сістемы русиньского народностного школства на Словакії.

Семінар має зачаток о 13.00 год. і одбуде ся традічно в засідалні Consilium maius Ректорату Пряшівской універзіты, ул. 17. новембра ч. 15 в Пряшові. В проґрамі семінара і буде презентація найновшых выдань з карпаторусиністікы.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА