„Щыро доношу” зас на антені радия ЛЕМ.фм – середа, 20.00 год.

Рільнича афера, афера з расовым мотывом та економічны шахрайства – єдным словом жытя на Лемковині.

По праві річній перерві запрашаме на другу серию проґраму Щыро доношу, проґраму в котрым презентуваны сут ориґінальны, поліцийны рапорты з постерунків, розсіяных на Лемковині. Акция розгрыват ся в меджевойенным часі. Ци тепер ся дакус ріжниме? Ци меньше на ся доносиме? Меньше комбінуєме? А може лем обставины інчы, а мы сме докладні такы самы…? Преконай ся в остатню середу місяця о 20.00 год в радию ЛЕМ.фм – Щыро доношу.