Школяре в Рускым Керестурі одпразднували Ден Материньского Языка

Ден Материньского Языка одпразднували школяре русиньской основной і середньой школы Петро Кузмяк в Рускым Керестурі. Святкуваня прошли во вшыткых одділінях, од найнизшой до найвысшой клясы.

Рыхтувати зачали ся іщы початком місяця. З огляду на пандемію святкуваня проходили окремо в каждым одділіню і не просили ниякых гостів.

Традицийно, старшы школяре в ґімназиі під кєрунком професоркы русиньского языка Люпкы Малацко зрыхтували выставу пн. «Язык наш насущный» з примірами добрых практик, але і языковых блудів, якы сут стрічаны в социяльных медиях, оголошынях в реклямовых місцях ци аж і офіцияльных названях.

Молодшы ученикы, під опіком учытелькы русиньского языка Каролины Джуджар зрыхтували плякаты з прислівями, языковыма загадками ци наголовками русиньскых книжок, а старшы школяре од учытелькы Тамары Хомы выслухали прелекцию о значыню языка і о його правильным хоснуваню, пак была дискусия.

Інфо і фот. за РутенпреС