Шіґет Фестіваль – голосуєме на РОКАШ!

Ансамбль Рокаш нашол ся серед 40 выбраных ансамблів з Украіны, з якых єден буде мал можливіст выступити на найбільшым музычным фестівали Европы – Шіґет Фестіваль 2015. Великым выріжніньом для ґрупы єст уж само тото, же нашол ся серед той 40., але іщы більшым буде, як поведе ім ся заграти перед стоками тисячів люди.

Голосуваня тырват лем до 16. квітня, а голос мож оддати за тым мотузком.

Шіґет Фестіваль то єден з найбільшых музычных фестівалів Еворпы. Пороходит шторічні од 1993 рока початком серпня на острові Обудай на ріці Дунай в пілнічных Уграх. Початково был то невеликій студентскій фестіваль, але тепер розріс ся уж до такых розмірів, же тыравт цілий тыжден і окрем головной сцены, на котрій презентуют ся популярны роковы ґрупы, сут іщы окремы – блюсова, джазова і сцена музыка світа, на котрых выступуют найвыдатнійшы, в своіх жанрах музыкы, артисты. Проґам фестівалю не ограничат ся лем до музычных высутпів, сут тіж театральны, цирковы та преріжны перформансы. Каждорічний фестіваль зосереджат што раз більше чысло любителів музыкы з цілого світа. Влони орґанізаторы нарахували рекордове чысло – понад 400 тисячів осіб.

Серед артистів, якы дотепер выступили на сцені музыка світа были м.ін. Oi Va Voi, Boban Marković Orkestar, Amadou & Mariam Speed Caravan, Buena Vista Social Club, Goran Bregovic Wedding & Funeral Band and Shtetl Super Stars, Gotan Project, Gogol Bordello, Leningrad, Haydamaky. Долучыти до них може ансамбль, якій презентує нашу – русиньску музыку. Зато заголосуйме самы і дайме знати знаємым, же треба оддати свій голос на РОКАШ!

Ансанмбль Рокаш то закарпатска рокова ґрупа з Мукачева, яка грат рок з елементами академічной музыкы і русиьнского фолкльору. Єст пілфіналістом проєтки Свіжа кров, та лавреатом фестівалю Червона Рута. В 2014 році выступил на лемківскій варті в Михалові (концерт тот трансмітували сме нажыво на антені радия лем.фм).

(фот. пресовы мат. ансамблю)