«Слово» – Четверта неділя посту – неділя, 9.00 год.

Слава Ісусу Хрісту! Недільне євангеліє говорить о выздравліню молодого хлопця, за котрого просить його отець, наперед учеників, потім і Ісуса. Тото євангеліє одкрывать хытрость діявола, котрый напрямує три стрілы на чоловіка, Боже сотворіня, і на самого Творця. Хоче привести людей ку вірі, же місяць мать вплив на жывот чоловіка, ці докінце на його мукаріня. І хоче довести, же є злым Божым сотворіньом а кідь є то сотворіня Боже, з того выходить, же і тот, хто його сотворив, не є добрым. Зато Ісус реаґує так твердо о чуджоложне і зопсуте поколіня. Доколи будете веце вірити злому як свому Творцьови? Так і ку нам ся обертать днешнє слово: Чому віриме веце гороскопам, різным передповідям о добрых і планых днях, щастливых ці нещастливых… або будеме вірити і довіряти Господу Богу, без волі котрого ани волос на голові ся нам не скривить. Діявол є вітцьом лжі. Перекручує Божы слова, як то робив з прародічами в раю. Ісус говорить: Я єм дорога, правда і жывот. Є на нас, кому увіриме.

В неділю, 10. квітня/апріля 2016 р., о 9.00 год. проґрам «Слово», котрий реалізує єромонах Маркіян ЧСВВ. Повторіня 10. квітня/апріля о 12.00, 15.00, 20.00 год. і 11 квітня/апріля о 2.00, 8.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Фото – драбина до раю – джерело вікіпедия.