Голосник

«Слово» – День святого апостола Томы – неділя, 9.00 год.

Того тыждня сьме праздновали память святого апостола Томы. Він быв наперед рыбарьом. Коли Хрістос його покликав за апостола, він щіро увірив і любив Хріста. По воскресіню, коли не быв там, як Ісус пришов через заперты двері, дожадує ся доказу, хоче ся пальцами і руков пересвідчіти.

А колис Ісус приходить на восьмый день, втогды уж щіро увірив. Тото Ісус потверджує: Ты увірив , бо єсь ня видів. Блажены, котры не виділи і увірили.

По Сошествії Святого Духа одходить проповідати до Індії, де ся приголосить у царя, же му збудує палац. Діставать множества злата і стрібра. Тото вшытко роздав бідным. Царь його зато дав заперти. Но брат царя іщі той ночі быв взятый з того світа ангелами. Увидів в небі прекрасный палац, хотів хоць лем в куточку перебывати. Но было му повіджено, же то є палац його брата, котрый йому збудовав Тома за злато і стрібро. Просить ангелів, жебы ся міг вернути і купити од брата тот палац. Но тот не хоче, але дав вывести Тому із вязніці, жебы і його братови такый збудовав. Потім Тома проповідав на далшых місцях Індіі, де і прияв мученицькый вінець.

Апостол нас учіть, же через добры діла, зроблены з любви ку Хрістови, і мы можеме будовати собі небесный палац. Ісус учіть: Не зберайте собі богатства на землі, де їх молі і арджа ничать а злодії підкопують ся і крадуть. Но зберайте собі богатства в небі. Слава Ісусу Хрісту!

В неділю, 25. октобра 2020 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 25. октобра о 12.00 год. і 26. октобра о 2.00 год. за русиньскым часом.

Шеруй.

О авторі

Avatar

Коментарі