Голосник

«Слово» – ІII. неділя по сошествії Святого Духа – неділя, 9.00 год.

В днешнім слові євангелія нам Ісус Хрістос говорить о важности утримовати в собі внутрішнє світло. Так як без вонкашнього здравого ока чоловіка добрі не видить.

Так без внутрішнього ока душы чоловік є духовно сліпый. Хрістіан на розділ од поганів ці жыдів дістав веце світил. Поган мать подля толкованя св. Николая Охрісьского єдну свічку – природу, із котрый може розумом чітати о своїм Сотворительови. Жыд мать окрем природы і розуму і зъявліня старозавітне дане Мойсейови через закон а хрістіан мать новозавітне зъявліня самого Господа, святу Церьков, котра дозерать і сохранять тото новозавітне зъявіліня а тыж і Святого Духа, котрый нам припоминать слова Господа. Але тыж і одповідность, жебы тото світло не загасити.

Як його можеме загасити? – через рабство мамоні – вшыткому матеріалному – боагству, пінязям, роскошам. Тото вшытко гасить а приводить до темноты наш внутрішній зрак. Не можете быти в рабстві (а справді в слободі у Бога) а быти і в рабстві мамоны – фінікійске божество пінязі і богатства, козрому ся кланяли.

Чоловік переставать видіти правдивы ціности. Цінности, котры зістають і по смерти. Тото вшытко земне раз мусиме охабити. Але ціность котру мать глядати є Царьство Боже і його справодливость. Бо оно є вічне. Слава Ісусу Хрісту!

В неділю, 28. юна 2020 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 28. юна о 12.00 год. і 29. юна о 2.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Avatar

Коментарі