«Слово» на Другу неділю Великого посту – неділя, 9.00 год.
Євангеліє нам описує дію, кідь Ісус приходить до Капернаума. В домі де проповідав было тілько людей, же не было місця ани перед дверями. Штирьоми хлопи несучі зо собов невладного выходать на стріху а спущають невладного перед Ісуса. Ісус його выздравлять, но наперед його душу, аж так тіло. Сыну, одпущають ся ті твої гріхы, а так додав: жебы вы знали, же Сын чоловіка мать на землі владу одпущати гріхы. Ісус як Богочоловік мать владу одпущати гріхы, тото слово є і про нас повне радости і надії. І мы можеме прийти ку ньому, кідь наша душа є невладна од гріха, страстей, привязаности ку земному. Він і нам подасть одпущіня, як тому невладному. Свята доба посту є тым часом, кідь маме веце ся над тым задумовати, веце часу присвятити своїй бессмертній душі, духовному жывоту, Выхоснуйме тот благодатный час, жебы спознаваючі свої раны, пришли сьме ку Ісусови і учули од Нього тоты радостны слова одпущіня і ослободжіня. Слава Ісусу Хрісту!
В неділю, 12-го марця 2017 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 12-го марця о 12.00, 15.00, 20.00 год. і 13-го марця о 2.00 год. за русиньскым часом.
Фото – Хыжа святого Петра – (Wikipedia).
ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА
Ґорлиці 106,6 MHz
