Голосник

«Слово» – Неділя невладного – неділя, 9.00 год.

Ісус приходить ку вівчій купальні, де лежало много хворых. Приставив ся при невладнім чоловікови, котрый 38 років лежав і не міг собі сам дати рады. Ангел сходив на часы до вод сколотивши воду, першый хто зыйшов до воды быв выздравленый. На Ісусовы слова: Хочеш быти здравый?, одповів: Не мам чоловіка, што бы мі поміг. А Ісус му говорить: Встань берь свою постіль і ходь. А тот чоловік быв такой выздравленый. Но Ісус го выздравлять не лем тілесно, а і на душі. Говорить йому: Дістав єсь здравля, не гріш веце, жебы ся ті не стало дашто іщі гірше. Ісус указує, же пришов про каждого чоловіка. Каждому хоче подати здравля душі. Через крещіня дає можливость быти дітинов Божов. Аде і нам адресує слова: Не гріш веце. Не вертай ся назад до рабства, жый в слободі. Приймуйме і мы тоты слова, знаючі хто їх говорить: Тот, котрый є владыка вшыткого, котрый смертьов переміг смерть, котрый є жывый Бог, котрый хоче про нас тото найвысше добро – вічне спасіня. Хрістос воскрес!

 

В неділю, 07. мая 2017 р., о 9.00 год. проґрам «Слово», котрый реалізує єромонах Маркіян ЧСВВ. Повторіня 07. мая о 12.00, 15.00, 20.00 год. і 08. мая о 2.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Фото: Wikipedia

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі