«Слово» – Праздник Преображенія – неділя, 9.00 год.

Праздник Преображенія Господа нашого Ісуса Хріста описує подію, коли взяв трьох своїх учеників і вывів їх на гору Тавор, де ся перед нима переобразив, то є змінив свою подобу. Його лице засвітило як сонце а різы побіліли як світло. Приходять Мойсей і Ілія і бісідують із ним. Ісус тым хотів посилнити своїх учеників перед своїма страстями, і притомностьов Мойсея і Ілії указати, же є наповніньом закона і пророків, і же є Владыком над жывотом і смертьов. Тот праздник є посилов і про нас, коли ся находиме в різных тяжкых сітуаціях, тогды посмотьме духовным поглядом на гору Тавор. Тот праздник нам так само вказує, же кідь вытримеме у вірности Господу і наповниме проґрам горы Тавор, то є слова: „Його слухайте,“ тогды і нас очекує слава обожествліня, котру Ісус частинно одкрыв своїм ученикам на Таворі. Слава Іусу Хрісту!

В неділю, 21-го авґуста/серпня 2016 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 21-го авґуста/серпня о 12.00, 15.00, 20.00 год. і 22-го авґуста/серпня о 2.00, 8.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Фото: Преображеніє Господнє. Жрідло:Wikipedia.