«Слово» – Праздник пророка Ілії – неділя, 9.00 год.

Святый пророк Ілія, старозавітный святый, котрый ся вызначовав великов любвов ку Богу і запаленостьов за Божу славу. Жыв у часі розділеного царьства Ізраіля.

В севрнім царьстві царьовав царь Ахав, котрый вєдно зо свойов женов Єзавель кланаяв ся ідолам, головномуу ідолу Ваалу, до чого силовав і цілый народ. Было там коло штиристо вааловых пророків, котры ся кормили зо стола цариці Єзавель.

Пророк Ілія, жебы привести до опамаятаня царя і народа, молив ся, жебы не было доджу на землі, і не падало три рокы і шість місяців. Настала велика сухота і великый голод. То было вонкашнім образом того, што одбывать ся, коли чоловік одпаде од Бога. Што тогды є з його душов. Лем суха бесплодна пустыня, де перебывають демоны.

Як тот час закінчів ся дав скликати на Карміль вшыткых вааловыв священиків і пророків. Дав поставити два жертвеникы. Но приказав огень не запальовати. Але тот бог, котрый запалить сам жертву, є правдивым Богом. А ку народу ся обернув словами: Доколи так хочете жыти? Кедь є вашым Богом Господь, тогды приймийте Його заповіді і закон а жыйте так. А як Ваал, ідьте за ним. А коли поганьскы жреці не могли скликати огень на жертву, Ілія помолив ся а огень зышов і спалив жертву. Курто на то ся спустив силный додж.

За свій святый жывот быв Ілія взятый у славі на огнянім возі на небо. Його одказ про нас: Мусиме робити рішіня в нашім жывоті, на котру сторону ся придаме. Што выбераме? Ваала, тілесне роскошы, гріх, выгоду міцных того світа за ціну одступліня од Бога? Тогды выбераме смерть вічну, вічне проклятя. Або выбераме Хріста – дорогу, правду і жывот. Тото рішіня мусиме робити каждый день.

В неділю, 7. авґуста 2022 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 7. авґуста о 12.00 год. і 1. авґуста о 2.00 год. за русиньскым часом.