«Слово» – Праздник Воздвиженія честнаго Креста – неділя, 9.00 год.

Праздник Воздвиженія честного Креста нам указує на крест не як знак терпіня, болести, але як знак побіды, бо через крест Хрістос побідив смерть, гріх, діавола. Історічно тот праздник повстав в 4 сторочу, кідь св. КОнстатин дав слободу хрістіянству і його мати св. Єлена нашла св. Крест і патріярха Макаріос вєдно з далшыма служытелями його выздивгує і благословить вшыткы світовы стороны. Хрістос нас хоче зробити участниками свойой побіды, не ганбийме ся голосити ся ку Хрістови через носіня креста, через хрістіяньске поздравканя указати світу, же мы належыме Хрістови. Але робме то не лем вонкайшим способом але ыби то выходило із нашого внтра. Бо каждым знаком креста, каждым поздравканьом мы заключуєме із Богом догоду, же так є. А коли наш жывот не є в згоді з нашыма словами, тогды лем устами оддавме честь. Коли в тім часі приходиме ку выложеному кресту, його цілуєме оодаваме йому честь, робме то не лем словами і нашыма устами , але і нашым добрым хрістіяньскым жывотом, Слава Ісусу Хрісту!

В неділю, 2-го жолтня/октобра 2016 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 2-го жолтня/октобра о 12.00, 15.00, 20.00 год. і 3-го жолтня/октобра о 2.00, 8.00 год. за русиньскым часом.

Фото – св. Олена з Крестом, катедра в Вільнусі, жрідло wikipedia

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА