Слуховиско – Ци то лем туга, ци надія – Яков Дудра – пятниця – 19.00 год.

В днешнім Слуховиску кус поезиі. Зазераме до Антолоґіі повыселенчой літературы. Ци то лем туга ци надія. Геройом днешнього одтинка буде Яков Дудра.

Яков Дудра вродил ся в Лоси де скінчыл основну школу. Брал чынну участ в культурным жытю села. В часі І Світовой Войны служыл в австрийскым войску. Разом з родином был выселений в 1947 році до ґожівского повіту. В селі Вільковіце побудувал хыжу і гын ґаздувал. Там тіж вмер 6 листопада 1974 рока. Остал похований на цмонтери в Лоси. Был найпопулярнійшым поетом народного напряму. Вершы складал іщы в меджевойню, а зачал іх публікувати в 1958 році на Лемківксій Сторінці, де был творчо присутний аж до кінця жытя. Публикувал тіж в Карпатскій Руси і Карпаторускых Календарях. В 1982 році УСКТ выдало збірку його вершів Уродився я хлопом.

Премєра: 19.06. – 19.00 год.

Повторіня: 20.06. – 01.00, 07.00 і 17.30 год.