Голосник

Смерек – част 2 – проґрам «70 процент», віторок 20.00 год.

Три жены про мир і войну, вертаня і выгнаня, про наймилійше в світі село Смерек…

Днеска зас о селі Смерек на бойківско-лемківскім пограничу. Про чарівний ліс, котрий трикрат своіх люди ратувал. На четвертий не встиг. Про святу воду в ріці. І про великє циґаньство взглядом малы люди…

Павлина Погляд ― тота, котра в білій куртці, з вязанком зіля-мелісы ― оповіст про даруваного коня, якому не вартало зазерати в зубы. Анастазия Ревак ― з правой стороны ― оповіст про весільный вінец, котрий злетіл з молодой, про молоко для кота. О тым, як жытелі Смерека трафили до Якутиі. А Галина Лазаришын ― ґаздыня той загороды ― оповіст, што все несли на родины, про Кулиша, якій частувал цукрьом і про дзбаночок просто з Парижа.

Шеруй.

О авторі

Avatar

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментарі