Спацером в Маґуру

Маґурскій Державний Парк просит на безплатну едукацийну прогульку – На Лысу Гору, жебы посмотріти в Маґуру – спацером в Дукляньскій Бескід. То нагода, жебы пізріти на природу, познати клясы рослин і звірят, якы жыют довкола нас та, вкінци, можніст стрітити ся з новыма людми о подібных заінтересуванях.

Славомир Спрінґер поведе вас путю з Контів през Лысу Гору, Мысцову і назад до Контів. Буде мож дознати ся вельо про тото, як рослины рыхтуют ся на зимовий період, якы уж поснули, а якы іщы розсівают зародникы, а найбільше буде про тоты звірята, якы вчас зимы не гібернуют, не одлетіли, лем мусят быти актывны, жебы пережыти до яри. Окрем бесіды про актывны, буде тіж дакус повіджене про звірята, якы зимом сплят.

Початок прогулькы 9.00 год. в найблизшу неділю 22. листопада. Передвидуваний час тырваня спацеру то 4 годины. Стріча на автобусовым пристанку в Контах.