Запрашам на бесіду з Параскєвом Бреян (з д. Фрицка), котра народила ся 2. листопада 1924 рока, в селі Ізбы, на Лемковині. Оповіст нам она про переселіня на Радяньску Украіну в 1940 році, спомне про тяжкє бытуваня в Росиі, як тіж буде бесідувала про щесливий поворот до рідного села, з котрого остала пак выселена уж на ВСЕ, злочыном Акциі “Вісла” в 1947 році.
Родина Фрицкых была переселена до села Личківці, Гусятиньского району. Вернули до Ізб в 1942 році.
одліва: Параскєва Бреян, Штефанія Маційовска, Меланія Фрицка
Фото: знимка зроблена на Радяньскій Украіні, 1941 рік, архів Параскєвы Бреян.
За тыма мотузками (част І і част ІІ) можете прочытати спомины Параскєвы Бреян, котры остали списаны через Анну Рыджанич, а пак печатаны в Православным Перегляді.
Коментарі