«Спомний собі Лемку» – реляция з выізду на гріб о. Димитрия Хыляка – віторок, 20.00 год.

Днес в проґамі «Спомний собі Лемку» запрашам на реляцию з выізду на гріб о. Димитрия Хыляка, котрий одбыл ся в днях 19.-21. жолтня/октобра 2015 р. Екскурсия была орґанізувана православныма парафіянами з Ліґниці і Студзьонок (Стодоловиц).

Почуєте м.ін. інтервю з внучком Великого Русина – п. Лідийом Шебуньчак, бесіду зо священниками – о. Воргачом, о. Ковальом і о. Сороканичом. Медже тым вшыткым вызвучат деякы фраґменты одслуженой панихіды, котра была служена над гробом о. Димитрия Хыляка точно в 60. річницю його смерти, та выслухате надгробну проповід настоятеля ліґницкой парафіі о. Любомира Воргача. Дознате ся, якым способом нашла ся могыла о. Димитрия Хыляка, як выглядало його жытя по выізді на Украіну і чом находит ся в пантеоні русиньского народу.

2015 рік, а тым більше місяц жолтен/октобер, то час, в котрым споминали сме великого лемківского патріоту і священника – о. Димитрия Хыляка при нагоді 60. річниці його смерти та 150. народин.  Більше про тоту выдатну персону чытайте за тым мотузком (найдете гын тіж цікавы, архівальны знимкы).

Долов фотореляция з одслуженой панихіды над могылом остатнього з ізбяньскых парохів.

«Спомний собі Лемку» то проґрам, в котрым можете почути цікавы річы про минуле, про рідну Лемковину, але і жытя на чужыні. Інтервю ведены молодым чловеком, дают надію старшым його бесідникам на ліпше заран для лемківского народу.

Премєру почуєте 17. листопада/новембра 2015 р., а проґрам повториме наступного дня о 2.00, 8.00 і 14.00 год. та в найблизшу суботу о