Стріча з автором книжкы „Світ Лемків” Анджейом Карчмажевскым

25. жолтня т.р. в Дворі Карвациянів і Ґладышів в Ґорлицях буде проходила стріча з автором книжкы Світ Лемків Анджейом Карчмажевскым.

Андршей Карчмажевскі – етноґраф і провідник, автор докторской розправы під наголовком Аґрарна символіка в дорочній обрядовости на примірі полудньово-східньой Малопольщы. Лавреат нагороды ім. Ф. Котулі в 1990 р. і нагороды Народного Оскара в 2012 році.

Книжка Світ Лемків. Етноґрафічна вандрівка по Лемковині отримала перше місце в катеґориі моноґрафіі і інчы крайознавчы опрацуваня тогорічного ХХІІІ Загальнопольского Перегляду Крайознавчой і Туристычной Книжкы в Познані і выріжніня Польского Товариства Выдавців Книжок.

Тот богатоілюструваний альбум, в якым найдете непублікуваны іщы знимкы з Лемковины, можете пожычыти, або обізріти, в Бібліотеці Руской Бурсы в Ґорлицях.