„Стрыко Енді” – документальний фільм о Ендім Варголи, якого нихто не знал

Стрыко Енді, то документальний фільм о іконі поп-арту Ендім Варголи, вказаным очами його родины. На тот вынятковий фільм складают ся спомины Павла Вархолы (старшого брата Енді) та чысленных братаниц і братанків, якы выросли попри славным артисті. Ділят ся споминами, вказуючыма інчу твар Варголя – Варголя Стрыка, далеку од той, яку виділи наштоден постійны гості славной Фабрыкы. Родина Енді, ексцентрычны представникы робітничой касты, оповідают як стали ся свідками трансфомраций Стрыка на пути до званя найважнійшого артисты кінця ХХ столітя.

Творцями фільму сут Ебі Вархола (правнучка Павла Вархолы, тіж артисты) і Джесі Бест. Е. Вархола єст фотоґрафіком, дізайнерком, творчыньом фільмів. Фотоґрафує найважнійшых зо світа моды (більше найдете на www.abbywarhola.com).

Джесі Бест то маляр і різбяр, занимат ся тіж документальным фільмом (www.jessebest.com).

Потрібна єст поміч, жебы фільм взріл світ – треба назберати суму 175 000$ на докінчыня фільму (продукцийны та попродукцийны выдаткы).

Каждий, хто доложыт ся до фільму буде мал можливіст одвидіти рідну землю Варголя, зісти правидвий русиьнскій обід разом з родином короля поп-арту. До розданя сут тіж ориґінальны артистычны творы Вархолів, запрошыня на офіцияльну премєру та вельо інчых.

Акция збераня грошы тырват до 2. квітня т.р. За тым мотузком можете доложыти звоі ґрайцары – выберте Back This Project, a пак суму грошы, яку хочете жертвувати.

(фот. пресовы материялы)