Свідчыня о незломным тырваню – подякуваня

В днях 28-30 квітня были сме разом як спільнота памяти, але тіж як спільнота тырваня, при коренях нашой ґлобальной траґедиі – акциі «Вісла», яком назначена єст лемківска доля уж од сімдесятьох років. Были сме, значыт істнуєме і свідчыме. Дякую вшыткым, котры схотіли влучыти ся і творити спільноту «Акция Вісла – Лемкы 1947-2017».

Хоц не мам во звыку і николи того скорше єм не робила, днес хочу подякувати декотрым особам тіж поіменні, а то з той причыны, же не маючы ниякого державного дофінансуваня, треба было рахувати на тых, котры посвятят своі силы, заанґажуваня, а предо вшыткым час (котрого так барз нам бракує) безінтересовні на штоси, што не вшыткым здає ся важне, але в етосовым вымірі єст сутьове. Зато, коли не можеме заплатити грошами, повіме – Боже заплат:

• Маріі Сільвестрі і Джонови Ріґетті – без Вашого фільму і інчой допомогы тых подій бы не было;
• Севериянови Косовскому – координаторови упамятніня на чужыні і серед молодежы;
• Др габ. Анджейови Зємбі – мериторичному спілпрацівникови і координаторови подій од стороны Польской Академіі Знань;
• Проф. др габ. Кшыштофови Стопці – за можливіст проведіня науковой конференциі в найстаршым і найбарже престіжным університетскым будинку в Польщи;
• Моніці Тылявскій і Петрови Козміньскому – за орґанізацийну поміч;
• Наталіі Малецкій-Новак – за приготовліня плякату, а тіж за орґанізацийну і ґрафічну поміч;
• Анджейови Жыґадло – за образ, на основі котрого створено плякат;
• Поли Бялковскій – за ґрафічний проєкт інскрипциі на пропамятній таблици;
• Томашови Захарскому – за технічне приготовліня інскрипциі;
• Пшемыславови Дудзікови, Директорови Музею Міста Явожна – за ціліст прац звязаных з поставліньом памятника Лемкам вязненым і страдавшым в лаґрі в Явожні;
• Адриянови Рамсови, працівникови Музею Міста Явожна – за мериторичну поміч звязану з явожняньскым упамятніньом;
• Властям Міста Явожна – Президентови Павлови Зільбертови, Заступци Президента Тадеушови Качмаркови, Секретар Еві Сіделко-Палечны – за згоду на льокалізацию упамятніня і поміч в його проведіню;
• Ренаті Ґацек, кєрівничці Молодіжного Дому Культуры в Явожні – за технічну орґанізацию упамятніня;
• Анджейови Беднарчыкови – за поміч в старанях о згоду на упамятніня;
• Др Анджейови Шнайдерови, Директорови Інституту Народовой Памяти в Катовицях і Янови Кваснєвічови, головному специялісті в Одділовым Бюрі Упамятняня Борбы і Мучеництва в тым Інституті – за приспішений трыб затверджыня змісту і формы упамятніня;
• Яцкови Ґломбови, Директорови Театру ім. Гелены Моджеєвской в Ліґници – за неодплатне удоступніня салі театральной;
• Димитрови Рыджаничови, Війтови Ґміны Устя Ґорлицкє – за фінансову допомогу і упорядкуваня цмонтеря в Чертіжным;
• Честным Отцям Ярославови Чухті, Ярославови Мадзелянови і Любомирови Воргачови – за одслужыня панахід в Чертіжным і Ліґници;
• Анні Дубец-Дильонґ і членам ансамблю «Роса» – за приготовліня і выконаня музычной части інсценізациі Акция «Вісла» в літературі і пісні;
• Рецитаторам – Севериянови Косовскому, Ксандрі Косовскій, Дариі Теклі Кузяк, Моніці Тылявскій, Анні Шмайді, Югасці Ґалчык, Томі Болехови; Ксандрі Косовскій і Дариі Теклі Кузяк тіж за выконаня Баллады о выселіню;
• Др Єжему Ґожелікови, ведучому Руху Автономіі Шлеска і Маркови Новарі з РАШ – за орґанізацийну поміч;
• Вшыткым медиям – за розпропаґуваня ідеі лемківского упамятніня і обшырне реляцийонуваня подій з ним звязаных.

др габ. Олена Дуць-Файфер