Там около Левочы…

В суботу 13. грудня в русиньскым селі Вільшавиця на Спишу, недалеко Левочы, проходила культурна акция на завершыня проєкту реалізуваного двома стоваришынями – “Жывот Русина” і “Колысочка – Коліска”.

Был то великій різдвяний концерт, в котрым выступили діти, якы вчат ся русиньского языка в вечерніх школах. Дале ґрупа Ялинка і узнана русиньска співачка, а попри тым спілведуча проєкту вечерніх шкіл русиньского языка – Ганка Сервіцка. Цілу акцию прирыхтували медже інчыма Люба Кральова, Бетка Русинякова і Марко Русиняк.

Пан Марко Русиняк єст предсідательом стоваришыня “Жывот Русина”, котре є орґанізатором табору для русиньскых діти, на котрым участникы вчат ся традицийных ремесел – як обрабляня, тертя і пряджыня лену, жнивуваня, молочыня зерна ци вырабляня кіста і печыня хліба.

Вшыткы участникы того концерту могли поісти сой хліба, котрий выпекли участникы варштатів.

Радийо Лем.фм зрыхтує реляцию з того концерту ближе Різдва. А тепер просиме попозерати на знимкы з різдвяного концерту зрыхтуваного стоваришынями – Жывот Русина і Колысочка.

Ганка Сервіцка з ансамбльом Дрібна

діти з ґрупы Ялинка з Вільшавици

Представліня діти з вечерніх шкіл русиньского языка

Представліня діти з вечерніх шкіл русиньского языка

Ганка Сервіцка

Фольклорна ґрупа Ялинка з Вільшавиці

Представліня діти з вечерніх шкіл русиньского языка

Представліня діти з вечерніх шкіл русиньского языка