Танцувальний семінар на Бачваньскій Руси

Од 9. до 13. серпня/авґуста в Шыді на Бачваньскій Руси проходит хореоґрафічний семінар фольклорных танців для місцевых культурно-артистичных ґруп.

Хореоґрафіі, танцювальных кроків та народных звыків зо західньой Словациі, з обшыри Шариша, Земплина та Спиша, вчыт професийний хореоґраф Вілиям Мікула з Піддукляньского Умелецкого Народного Ансамблю (ПУНА) з Пряшова. В ведіню занять помагат В. Мікулі танцуристка Міриям Манікова, тіж професийна членка ансамблю ПУНА. Музычным корепетиротом єст Мирон Сивч.

Занятя проходят в сали Руского Дому в Шыді і в просторах Культурно-Освітного Дому Дюра Кіш. Участникы семінара, окрем зо Шыду, приіхали з сусідніх: Дюрдьова, Руского Керестура, Бікіча та Нового Саду. Орґанізатором тыжньовых занять єст Нацийональний Союз Русинів Одділ за Культуру Войводіньскых Руснаків.

Інфо за Рутенпрес.

Фот. горі: архів ЛЕМ.фм