Туристычні в Мушыні

Малопольска Туристычна Орґанізация запрашат на Інавґурацию Літнього Туристычного Сезону, котра одбуде ся 23. мая 2015 р. в Мушыні і околичных лемківскых селах. Орґанізаторы зрыхтували вельо атракций, посеред котрых каждий, хто приіхат в тот ден до Мушыны, напевно найде дашто для себе.

Постійным елементом шторічных Інавґураций єст запрошыня на Пут Деревяной Архітектуры, котрий того рока буде мож звидіти вчас роверовой, або автокарвой прогулькы, обзераючы церкви в Поворознику, Дубным, Лелюхові, Війковій, Тыличу і Мушынці. А тоты, што ся лишат в Мушыні, можут пообзерати деревяны церковці в тамтышнім Реґіональным Музею на фотоґрафічній выставі Лемківскы церкви – близко серця авторства Каміля Палюшка.

Попри райдах і прогульках, одбуде ся ярмак з реґіональным ідлом, місце забав для діти і вельо інчых атракций.

Вечером, в рамках 9. Фестівалю “Музыка заклята в дереві”, в амфітеатрі Запопрадзє одбуде ся концерт Анны Юркштович і Кжесіміра Дембского та ансамблю Біґ Бенд Малопольщы.

Більше інформаций найдете долов і на сайті www.mot.krakow.pl.